علق الإعلامي عمرو أديب، على فوز الزمالك ببطولة كأس الكونفدرالية الإفريقية أمام فريق نهضة بركان المغربي مساء الأحد، كانت «مفزعة ومرعبة».
وقال أديب في تصريحات تلفزيونية له عبر برنامج «الحكاية»، المذاع عبر فضائية «MBC مصر» «بجد كان قلبي هيقف وأعصابي تعبت وباقي الشعر اللي في دماغي وقع».
وأضاف : «لكن في النهاية أسود إفريقيا، وحوش الغابات، أساتذة الكرة، واللاعيبة الموهوبة المحترمة المحترفة تحصل على الكونفدرالية وتجيب الكأس لمصر، ويبدأ هذا النادي يستمتع بوجوده وقوته وتاريخه وفنياته».
وأشار «آن الأوان الفرقة دي تتنفس وتاخد مكانها، وإنها تعرف إنها كانت بتتكعبل تاريخًا ويتحط لها كل العوائق عشان متطلعش ومتقبش ومتظهرش».
وتابع : «النهاردة يا زمالك البداية عشان تعرف أنت مين ومستواك عامل إزاي، قول لي مين في مواهب لاعيبة النهاردة، مين في مصر بيلعب الكرة دي، فرقة قوية محتاجة ثقة وتعرف إنها مهمة وإنها عندها حظ وتوفيق، وإن الفانلة البيضا اللي بخطين ليها نصيب في الحياة وتقدر تكسب وتاخد بطولات».
وتوج الزمالك بلقب كأس الكونفدرالية الإفريقية لكرة القدم بعد فوزه بهدف نظيف على نهضة بركان المغربي ليتفوق بفارق قاعدة الأهداف المسجلة خارج الأرض، بعد خسارته 2-1 ذهابا في المغرب.
.png)