عبد الرحمن محمد :هدفي الأداء الجيد واحتلال مركز متقدم بجدول الدوري

الجمعة 03 أغسطس 2018 02:38 ص
عبد الرحمن محمد :هدفي الأداء الجيد واحتلال مركز متقدم بجدول الدوري
عبد الرحمن محمد :هدفي الأداء الجيد واحتلال مركز متقدم بجدول الدوري
كابتن عبد الرحمن فهمي
حوار - منار محمد

لعب بنادي غزل المحلة والمنصورة وطلائع الجيش والترسانة وبترول اسيوط واحترف في ماليزيا والامارات لاعب منتخب الناشئين والاوليمبي ومدرب في نادي غزل المحلة وكل قطاع الناشئين لجميع المراحل السنية والفريق الاوليمبي لغزل المحلة وفريق الزعفران للقسم الثالث وصعد معهم ممتاز ب وزفتي للقسم الثالث حيث انتقل اليهم في وقت صعب ونهي معهم الدوري وصيد المحلة ممتاز ب، والفريق الاول لغزل المحلة دوري ممتاز، ومدرب عام لنادي غزل المحلة ممتاز ب والموسم القادم سوف يخوض تجربة جديده مع نادي سبورتنج كاسل إنه الكابتن عبد الرحمن فهمي صاحب الاربعين عاما ابن مدينة المحلة الكبري ،يفتح صدره للحديث مع ؛المصير اليوم ؛

استعدادتك للقسم الثالث مع نادي سبورتنج كاسل ؟
بدأت في عملي كمدير فني لنادي سبورتنج كاسل  منذ ايام وقمت بجلسه عمل مع الفريق والجهاز واخذت بيان بحالة كل لاعب ومن الذي  شارك الموسم الماضي ومن لم يشارك،  وبيان بفتره الاعداد كلها، كما ان الوقت صعب وخاصه ان لاعبي الفريق معظمهم صغار السن ويحتاج معاهم لاعبين خبرات لان الدرجه الثالثة درجة صعبة جدا درجة تحتاج للاعيبة معينة بصفات معينه واللاعيبة الصغيرة دي مكسب للنادي ولكن علي المدي البعيد انما الان يحتاج لاعيبة تشيل الفرقة ولاعيبة خبرات تتحمل مسؤلية الفرقة للدرجه الثالثه لان المجموعة صعبة جدا فبحاول افتح خطوط كتير وبجيب لاعيبة  لتدعيم الصفوف وخاصة ان في لاعيبة مساكين قليله جدا،و وسط الملعب والمهاجمين والباك ليفت وخاصة بعد امضاء الحصري للزمالك، كنت اتمني ان يكون موجود ولكن زية زي لاعيبه موجوده معانا ومعظمهم  لديهم عروض للممتاز ولكن نتحدث معاهم بان  يستمروا ويواصلوا معانا وان شاء الله الموسم الجاي يبقا حاجه افضل ليهم باذن الله .


رأيك في منافسة القسم الثالث؟

المجموعة صعبة جدا كنت اتمني ان اكون موجود من اول الموسم لان لو كنت موجود من اول فترة الاعداد  كنت قادر ان احضر لاعيبة علي الاقل انهي فترة الاعداد بشكل كويس وحاليا هجتهد مع اللاعيبة وهدفي اننا نستمر بالدوري للدرجة الثالثة  بشكل كويس وبتمني ان اللاعيبة تساعدني فيها وخاصة بعد الاضافات لتدعيم الفريق وبحاول ان استقر بشكل كويس في جدول المسابقة السنادي .

محتاج مراكز ايه ؟
مساكين وباك ليفيت و2 مدافعين ومهاجمين وحارس مرمي  وهناك لاعيبه كتير هتقع من ممتاز ب هيبقا مفيش اماكن قدامهم واحنا بنلعب علي النقطه دي ، والحمد لله علاقتي كويسه مع اللاعيبة كلها ونبدا نعرف الناس عن النادي وان شاء الله الامور هتبقا كويسه لو قدرنا نجيب اللاعيبة دي .

تدعيمات النادي مرضية لكابتن عبد الرحمن ؟
بصراحه مستر يوسف وهبة والجهاز ناس طموحين جداوفكرهم كويس  بس هيا كانت عايزه من بدري وانا سلاح ذو حدين انا جيت متاخر بس احنا هنجيب لاعيبة خبرات ولاعيبة كويسه وتقيلة حافظة الدرجة تقدر تساعد معانا تاني و امكنيات الدرجة لازم تعلي شوية خاصة ان مستر يوسف راجل طموح وعايز يعمل حاجه والميزة في النادي انه استثماري بمعني ان اللاعيب المميز بيتم بيعه ودي حاجه كويسه وهاتخلي لاعيبة كتير تيجي بس اهم حاجه تكون واثقين في المدرب ويأتون عليه، والحافز الاكبر ان ال بيجيلة ف اي وقت عرض هيتم بيعة ودي مبتحصلش ف اي نادي والميزه دي هتخلي اي حد يجي هنا .

هل طموح سبورتنج البقاء ام الصعود ؟
خلينا نكون صارحين ومنطقين البقاء بشكل كويس ودا هايكون انجاز للنادي انما صعود لو حصل احنا هنشتغل عليه انما في الظروف ال انا شايفها دي لا ،الصعود دا بتاع ربنا طبعا بس المفروض تتعمل من بدري لاكن انا هجتهد والعب بان نكون في نصف الجدول ولو رينا كرمنا والدنيا مشيت واللاعيبة فهمت الشغل وحفظوا وقدروا يسمعوا الكلام وصعدنا لبدايه الجدول اعتقد هيبقا طموح النادي هيعلا هنبدا ندعم ونصرف اكتر وهيبقا في حافز نقدر نشتغل علية ربنا يسهل ،انما الهدف الاساسي اننا نبقي بشكل كويس ويليق بالنادي .

رأيك في الجهاز المعاون ؟
ناس محترمه ومجموعه شباب واعد عندهم فكر وعايزين يطوروا من نفسهم وباذن الله ادينا ف ايد بعض نقدر نعمل حاجه كويسه .

ما الذي تتمني تحقيقه الفترة المقبلة ؟ 
اتمني ان نعمل فريق كويس يليق بنا وبأسمائنا وتليق بااسم نادي سبورتنج كاسل ، اعتقد انه نادي حديث ونادي صاعد لديه هدف وطموح
في وجود ناس محترمة ماسكه النادي ربنا يقدرنا ونحقق السنادي حاجه تحسبلنا ونقدر نسعد الناس ونقدر نحقق للاعيبة طموحها وخاصة ان في مجموعه لاعيبة كثيرة صغيره  ونقدر نحققلهم طموحهم .